مع انتشار فيروس زيكا ف البرازيل وفشل منظمات الصحة العالمية ف القضاء عليه ولا حتا صناعة لقاح، وزارة الصحة الميريكانية نشرت تقرير لتعريف مواطنيها لاعراض الفيروس باش ياخدوا الاجراءات اللازمة قبل ما يفوت الفوت. من أعراض الاصابة بالفيروس الرئيسية والاكثر انتشارا كاين الحمى والحكة وحمورية العينين، زائد وجع المفاصل. أما الاجنة اللي مصابين بالفيروس من والديهم فكيتولدوا بجمجمة صغيرة مقارنة بحجمهم، وامكانية عيشهم قليلة. الوزارة كئلك كتنصح المواطنين ف حالة هاد الاعراض يشوفوا الطبيب بسرعة، ويرتاحوا ويكثروا من شرب السوائل وما ياخدوش أسبيرين أو أي دوا اخر بلا استشارة للطبيب. الى حدود الساعة الاصابات محصورة ف البرازيل وبعض دول العالم التالت وماتم تسجيل حتا حالة اصابة ف المغرب.