اعتاد حزب التقدم والاشتراكية حليف حزب العدالة والتنمية ان يثير في بيانات اجتماع مكتبه السياسي الاسبوعي قضية البلوكاج الحكومي. اجتماع الاثنين الماضي ما جبدهاش وما هدرش على عشرين فبراير. هدر على "تجدر" باش يتجذر الحزب فالمجتمع وهدر على النقاش العمومي ففرنسا بلا ما يسميها وقال انه يطفو على السطح خطاب عنصري تحركه نزعة الكراهية 0تجاه الأجانب، وخاصة اتجاه المواطنات والمواطنين من أصول عربية وإسلامية مع الحملات الانتخابية وسالى بيانو "في ختام أشغال اجتماعه، تطرق المكتب السياسي إلى جملة من القضايا المختلفة واتخذ في شأنها التدابير اللازمة". واش فرنسا اهم من المغرب. راه 136 يوم والمغرب بلا حكومة والحزب عارف السبب مزيان حقاش شريك فالاغلبية علاش ما قال والو؟ غادين تقولو باللي الاجتماع ما حضروش الامين العام نبيل بنعبد الله اللي فافريقيا مع الملك. هادي ماشي مبرر. هاد المشية تقدر تفسر هاد التحول. بنعبد الله من جنوب السودان ما وقع حتى اتفاقية امام الملك وغادي يبقى يتسنى حتى تجي جولة غينيا. يعني مدة طويلة غير حاضر وصافي. علاش داوه هو والوردي وزير الصحة٬ علاش بقى تماك هاد المدة. طبعا غادي يتلاقى مع كلشي مع فؤاد الهمة اللي كان بسبابو دار الديوان الملكي بيان هاجم فيه بنعبد الله بعد تصريح صحافي٬ غادي يتلاقى مع بزافت الاخرين خاصة الرجل اللي ظاهريا فيدو ظهور الحكومة اللي هو عزيز اخنوش رئيس التجمع وجودو فهاد الزيارة يقدر يخليه يغير امور كثيرة. غادية تبان باش يرجع
