هاد قضية اختطاف وتصفية المهدي بنبركة ما عمرها تلقي حل واقيلا. دابا مرة مرة كيموت شي حد من المتهمين بتصفيته. اخرهم محمد العشعاشي هو رئيس جهاز الكاب 1 =المخابرات المغربية= اللي تآسس فعهد الجينرال اوفقير. العشعاشي اللي مات اخيرا فالدار البيضاء وفق ما نقلت "الشرق الاوسط"٬ كان تذكر اسمو بزاف فقضية اختطاف بنبركة بل ان العميل السابق احمد البخاري اكد ان الخلية اللي كان يرأسها العشعاشي وفيها صاطا والمسناوي هي اللي خطفات الزعيم ف29 اكتوبر 1965 بباريس وتخلصت من جثته. طبعا كانت دعوات ضد البخاري ولكن اللي وقع دابا هو ان السيد مشى كيف سبقوه خراين بلا ما تعرف العائلة مصير بنبركة