تعيين مرا على راس المديرية المكلفة بإنجاز ميناء الداخلة الأطلسي. وها شكون

أعلن المجلس الحكومي لي انعاقد يوم أمس، عن تعيين مرا على راس المديرية المؤقتة لي غادي تشرف على إنجاز ميناء الداخلة الأطلسي.
وحسب المصادر ذاتها، فالمديرة الجديدة اي غادي تبدا خدمتها فواحد المنصب حساس بزاف، هي المهندسة نسرين إيوزي ولي كانت شادة منصب رئيسة قسم الاستراتيجية والتخطيط والتمويل في مديرية الموانئ سابقا والملك العمومي البحري التابعة لوزارة التجهيز والماء فوقت سابق.
المبادرة لي دراتها الحكومة، مزيانة وتم استحسانها بعد أن تم التعويل على مرا عندها كاريير مزيان، وتقدر تجسد أفكار جديدة على أرض الواقع، خصوصا بلي هاد المشروع ملكي ومعولة عليه الدولة باش ايكون بوابة المغرب لإفريقيا.