بعد ما هرب من الحبس ديال كوناكري. المافيوزي أخلال اللي عندو دوبل ناسيوناليتي بلجيكي – مغربي تشد فموريتانيا حدا الحدود مع المغرب

قالت تقارير بلجيكية، أن المافيوزي ابراهيم أخلال اللي عندو دوبل ناسيوناليتي بلجيكي – مغربي تشد فموريتانيا، ف 14 يوليوز الفايت، حدا الحدود مع المغرب، حيث ستطلب السلطات القضائية البلجيكية من نظيرتها الموريتانية تسليمو ليها لمحاكمته وسجنه داخل بلجيكا.
وقبل شهر، تمكن ابراهيم أخلال من الهروب من سجن كوناكري ف غينيا، بعد ما تشد ف ليلة 16 – 17 دجنبر 2022، من طرف البوليس الغيني بعد رصده من طرف الاستخبارات البلجيكية فدولة غينيا، مباشرة بعد هروبه من سجن سان جيل البلجيكي ف 2020.
هاذ المافيوزي كيبلغ من العمر 27 عام ومعروف عند العدالة البلجيكية وتمت إدانته 4 مرات بتهم ارتكاب عدة هجمات مسلحة وتحكم عليه ب 21 عام ديال الحبس. وف عام كورونا قدر يهرب ودابا كيواجه طلب تسليم تقدم من طرف القضاء البلجيكي للسلطات الغينية.
وحسب بيان صحفي صادر عن الشرطة الفيدرالية، تجبدات سمية هاد المافيوزي فهجوم سطو مسلح على شاحنة مدرعة وقع في ماي 2021 شمال أمستردام. وتم القبض عليه من طرف الشرطة الغينية في كوناكري، بينما كان في طريقه إلى ملهى ليلي.