جوج كوايرية ماتو فكسيدة خايبة ليلة البوناني فالصبليون واحد منهم عندو سمية مغربية

ماتو جوج لاعبين ديال الكورة كيلعبو فالقسم الثالث فاسبانيا، ليلة البوناني فكسيدة خايبة فإقليم كتالونيا الإسباني.
وحسب جريدة "ماركا" الإسبانية فالأمر كيتعلق بكل من ديفيد كاستيا لاعب الجينيور ديال بيرالادا، وأسامة العسري، لاعب الجينيور ديال باس روزاس، وعندهم 16 عام، ومات معهم الأب ديال الأول والاسم ديالو سيرجيو كاسيتيا وعندو 48 عام.
الجريدة الإسبانية كشفت، أن الكسيدة وقعات مع 8 الليل فبالاو سافيرديرا، وهو فيلاج كاين فمنطقة ألتو أمبوردان فمقاطعة جيرونا، وأن الطوموبيل تقلبت بالضحايا وماتو، ومازال التحقيق مفتوح فالحادث، أما الاتحاد الإسباني لكرة القدم والأندية ديال الضحايا خرجو بلاغات تعزية.