أكدت مصادر مطلعة ل"كود" أن عبد اللطيف حموشي، المدير العام للأمن الوطني، وقع الأسبوع الجاري، على قرار يقضي بإعفاء والي الأمن محمد امرابضن على رأس مديرية الموارد البشرية بالمديرية بالإدارة المركزية. مصادر "كود" قالت باللي تم إعفاء امرابضن من مهامه، وتعيين مكانه المراقب العام مرزاق. لكن المديرية مزال مقالت حتى شي حاجة رسمية بهاد الخصوص لحدود الساعة. وتضاربت الأخبار حول صحة إعفاء امرابضن من منصب مدير الموارد البشرية بالمديرية العامة للأمن الوطني، وقالت مصادر أخرى ل"كود" أن الرجل خرج كونجي انهار الجمعة الفايتة وباللي غادي يخرج تقاعد شهر فبراير المقبل. ذات المصادر أكدت ل"كود" باللي لهضرة ديال إعفاء المسؤول الأمني المذكور اللي غادي يكمل 60 عام الشهر الجاي دارت بزاف بين البوليس، ومني خرج كونجي منذ يوم الجمعة الماضية قالو باللي راه تقرر الإعفاء ديالو من جميع المهام بقرار من المدير العام.
