عبر المغربي ابراهيم دياز نجم ريال مدريد الإسباني على الافتخار ديالو حيث اختار يلعب مع المغرب، وأكد أن المغاربة عطاوه الحب وتعاملو معه مزيان وهو ما غينساش هاد الخير وغيدير اللي فجهدو باش يزيد بليكيب ناسيونال للقدام. وهضر براهيم دياز وقال فتصريح لبرنامج El-chiringuito"": "فالمغرب كيبغيوني وكيتعاملو معيا مزيان، وهذا علاش اختاريت المغرب، وأنا عاجبني الحال هنا وفرحان بهادشي، وأنا ما ننساش الحب اللي كيعطيوني ونتمنى نرد لهم هذا الشي فالتيران ونزيدو بالمنتخب للقدام". ولعب ابراهيم دياز نجم ريال مدريد الإسباني، جوج ماتشات وديين مع المنتخب المغربي فالتوقف الدولي الأخير، الجمعة الماضي، ضد أونگولا وربحوه الأسود بواحد لزيرو، والثاني البارح ضد موريتانيا وتعادلو فيه زيرو لزيرو.