كشفت لائحة مسربة لأعضاء الأمانة الوطنية، احتفاظ معظم الأعضاء بمناصبهم و أضيفت اسماء اخرى بعد رفع عدد أعضاء الأمانة العامة. المثير في الأسماء اللي خذات عضوية الأمانة الوطنية هو سن الأعضاء. النقابيين اللي غادين يدافعوا على الطبقة الشغيلة المغربية كلهم متقاعدين وفايتين 70 عام. اللائحة اللي حصل عليها موقع “كود” تشير الى انتخاب الميلودي موخاريق أمين عام 70 سنة. أما نائبه الأول خليلي بنسماعيل عندو 83 عام. و أمين المال إبراهيم قرفة 79 عام، أحمد بهنيس 75 عام. باقي أعضاء الأمانة العامة كتراوح أعمارهم بين 65 و 70 وهم زكري، حيثوم، العلوي، والبشير الحسيني المحسوب على النهج اللي عطاهم موخاريق جوج مقاعد باش يضعف تيار أمين. المشكلة لكبيرة ان هاذ الأسماء كلها مرفوضة من القواعد، وغاضبة عليها القواعد اللي كتتاهم موخاريق بتنظيم مؤتمر صوري عمرو بحراس الامن اللي وصلوا ل 650 واحد لبسوهم جيليات زورق وخدموا حراس امن وحيحيوا القاعة. اخطر ما داز فليلة السبت الاحد هو التقرير المالي اللي تقدم كلو انشاء ما فيه لا ارقام لا والو و المحاسب اللي قدم التقرير المالي قلبها غزل فالامين العام و الحنكة ديالو و الشفافية والنزاهة. من بين لحوايج اللي غتجبد الصداع هو شي مسؤولين محليين خدموا مع موخاريق وكانوا طامعين بالامانة الوطنية لقاو راسهم برا.المشاكل لكبيرة هي اللي غتبدا من مور المؤتمر