أزمة حسنية أكاديرعرفات تطورات جديدة، بعدما دخل والي أكادير على الخط، وطلب من الحبيب سيدينو، رئيس الفريق يفك جرا مع الجمهور في اقرب ال0جال. الاحتجاجات المتكررة دارت الصداع للسلطة، اللي ما بقاتش حاملة تشوف الشوارع عامرة بالجمهور، الغاضب من المكتب المسير والمدرب امحمد فاخر . سيدينو اضطر إلى الجلوس مع فاخر لفسخ العقد بالتراضي، خصوصا أن الجمهور رجع كيهدد المدرب بالتصعيد اكثر، لكن رئيس الحسنية تفاجأ بشرط المدرب مقابل الرحيل. فاخر اشترط 330 مليون سنتيم باش يمشي بحالو، يعني يتخلص ففلوسو كاملة. وكشف مصدر سوسي ل”كود”، أن سيدينو غادي يعرض منصب مدير تقني على فاخر، بعدما رفض يفسخ عقدو بالتراضي. وحسب هاد المصدر أن الضغط أكثر على سيدينو والمكتب ديالو، بعد تدخل الوالي، اللي طلب منو يحل المشكل ديال المدرب في اقرب وقت ممكن. فريق حسنية يحتل المركز ما قبل الأخير ضمن سلم ترتيب البطولة الاحترافية برصيد تسع نقاط فقط من 11 الماتش.