سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
بنعرفة ماشي رئيس حكومة المملكة المغربية بل حكومة التنظيم العالمي للاخوان. اتصل بهنية وهدرو على “صفقة القرن” ماشي بممثل السلطة الفلسطينية الشرعي وباش يدوز هاد الشي دخل الملك
تصورو معايا كون دارها عبد الاله بنكيران وهو رئيس الحكومة اش غادي يوقع. هادا بنعرفة رئيس حكومة المملكة المغربية اللي عبرات رسميا على موقفها من “صقفة القرن” بخصوص فلسطين٬ اتصل باسماعيل هنية رجل قطرففلسطين وممثل التنظيم العالمي للاخوان المسلمين واللي لعب دور فتقسيم الموقف الفلسطيني. هنية ديال حماس حاكمين غزة. ماشي هو الممثل الشرعي للشعب الفلسطيني. هادا كيمثلو عباس ابو مازن. كيفاش رئيس حكومة المملكة المغربية كيتواصل مع الاخواني اسماعيل هنية. قال باللي تناقش معاه على “جديد القضية الفلسطية وخصوصا الاعلان عما يسمى صقفة القرن٬ واشار الى توحيد الصف الفلسطيني في رفضها والى اهمية الدعم العربي واشاد بدعم جلالة الملك للشعب الفلسطيني ودفاعه عن القدس الشريف” دابا باش يخرج راسو دخل الملك محمد السادس. انت اصلا علاش تتواصل مع هنية الا ايلى كنتي بحالو من التنظيم العالمي للاخوان المسلمين دابا كون دارها بنكيران ايامو٬ وهو ما يديرهاش٬ كون ناضلو ليه كلشي. كلشي يسبو. علاش هادا اللي كان وزير خارجية فاشل للمغرب يهدر بكلام ضد بيان المملكة المغربية. الخطير ان الهدرة جات بعد نشر خبر عن صفقة مغربية اسرائيلية امريكية. فيها امريكا تتعترف بمغربية الصحراء مقابل تطبيع مغربي مع اسرائيل. دابا هاد رئيس الحكومة واش مع مغربية الصحراء ولا مع فلسطين. حقاش خوانجية مغاربة وحتى قومجيين غاديين يختارو فلسطين علي الصحرا