مرا تونسية دارت البارح البوز بعدما خرجات في فيديو كتقول فيها أنها مرات الممثل السوري قصي خولي وأنهم عندهم ولد. السيدة لي سميتها مديحة الحمداني بانت وهي كتبكي، وقالت ان قصي خولي ماشي أب مثالي كيفما كيقول في الحوارات والبرامج التلفزية، والدليل أنه مكيصرفش عليها هي وولدها وناكرهم. وقالت مديحة أنها تعرفات على قصي في 2014 ملي كانت في دبي، وهاد السنوات كاملة صبرات على حقها وحق ولدها، لكن صبرها تقاضا دابا. وقررات تفضحو، والا زاد في كذوبو غادي تزيد تفضحو كثر حتى يعتارف بكولشي. +++++