هادي 15 اليوم، سعد لمجرد خرج اغنية جديدة بالمصرية سميتها "عدى الكلام"، والكليب حطو فالقناة ديالو على يوتوب. وعكس الاغاني الاخرى لي كان كيحيح بيها، هادي ماتمشاتش بزاف وماشداتش الطوندونس مدة طويلة. الكليب، لي دارو لمجرد على شكل سيرك وهو ممثل عدة شخصيات فيه، يلاه قرب ل18 مليون مشاهدة، فهاد جوج سيمانات كولها. واش هادشي بسباب كورونا، ولا الاغنية لي زيرو، ولا اخيرا تهم الاعتداءات الجنسية لي متابع فيها ففرنسا ولي وسخات ليه سمعتو بدات كتهلك ليه حتى مسيرتو الفنية..