علمت "كود"، أن وكيل الملك بالمحكمة الابتدائية بمدينة خريبكة أمر بمتابعة موظف فصبيطار في حالة اعتقال بسبب البيع والشرا في شواهد الخلو من الاصابة بفيروس كورونا المستجد. هاذ الموظف اللي حصل من طرف إداريين فالصبيطار تشد من طرف "لابيجي" كان كيبيع هاذ الشهادات الطبية للمغاربة اللي باغيين يمشيو للخارج. التحقيقات بدات والأكيد غادي طيح متهمين أخرين. هاذ المتهم باينة كان خدام مع سماسرية كيجيبو ليه الكليان اللي باغي يشري هاذ الشواهد الطبية.