طلقات جمعية "جود" لحماية المتشردين عريضة من أجل وضع قانون فيه عقوبات مشددة لجميع الأشخاص اللي كيستغلو الأطفال فالتسول بشكل مباشر. العريضة دارتها "جود" على موقع أفاز، وهي جزء من الحملة التوعوية ضد سعاية دالأطفال واستغلالهم فالسعاية، اللي لونصاتها "جود" تحت شعار "الخير اللي تدير فيه هو ناتعطيهش"، على اعتبار ان الصدقة على هذ الاطفال ومستغليهم غتزيد تشجع على هذ الظاهرة. وقالت جود، فالعارضة، أن القانون خاصو يعاقر بشدة استغلال الأطفال فالتسول، حيت هذشي كيقد يعرضهم لخطر كبير، وخاص تكون عقوبات شديدة على استغلال جميع القاصرين، واخا كاين نصوص قانونية، ومنها المادة 328، اللي كتفرض عقوبة كتتراوح من 3 أشهر إلى سنة واحدة دالحبس لك اللي كيوظفو الاطفال أو كيسعاو بيهم. واعتبرات "جود" أن هذشي ماكافيش، وكيخص قوانين مشددة، كيف خاص إعطاء الفرصة لجميع الأطفال للاستفادة من النظام التعليمي، وتمكينهم من تدريب يمكن يضمن ليهم مستقبل يليق بهم كمواطنين فاعلين. العريضة