عناصر المركز الترابي لدرك اولاد سعيد التابع لسرية درك سطات، وقفات يوم امس الثلاثاء فقيه امام جامع مزوج مع امراة متزوجة ، وهادشي على مستوى دوار اولاد بن الحسن التابع اداريا لجماعة الترابية لحوازة نواحي سطات . ووفق مصادر "كود" ،فان ظروف وملابسات النازلة تعود إلى ليلة يوم امس الثلاتاء ، فاش دورية تابعة لمركز درك اولاد سعيد ، وقفات هاد امام مسجد ومدرس بمدرسة قرانية مع هاد السيدة ، ولصقولهم تهمة الخيانة الزوجية، وداوهم لمقر مركز الدرك الملكي باولاد سعيد من اجل تعميق البحث ، وبعد اخبار النيابة العامة المختصة بالواقع أمرت بوضعهم تحت تدابير الحراسة النظرية في انتظار عرضهم على القضاء وذالك بعد انتهاء فترة الحراسة النظرية مجريات البحث التمهيدي . واضافت المصادر نفسها أن الفقيه متزوج وعندو اولاد، فيما السيدة اللي كانت معه متزوجة وخدامة كمنظفة بالمدرسة القرانية. ديما هادوك الناس اللي كيضلو يحرمو العلاقات الرضائية على الناس "كيحصلو" عايشين الحياة ودايرينها من سطاش، وكيتفرشو انهم محرمين هادشي على المغاربة ومحللينو لراسهم! حق ممارسة الجنس ف علاقات رضائية خاص يكون مكفول، وشي مايتدخل فشي، لا حنا لا هما لا نتما لا المخزن.