الحالة الوبائية ولات خطيرة، بحيث اليوم السبت حطمنا روكور جديد هذ العام بالإصابات اليومية بالفيروس، بحيث تقاسو غير اليوم 5494 واحد، وهكذا بدينا كنقربو للروكور اللي سبق سجلناه فنونبر العام اللي فات، ديال 6195 إصابة فنهار واحد. وحتى الوفيات بكورونا اليوم طلعو بزاف، بحيث ماتو ف24 ساعة 23 واحد، وغير اليوم دخلو 135 لأقسام الإنعاش. التلقيح: وتلقحو اليوم 28638 بالجرعة الأولى، ووصل المجموع ل11728171 شخص، بينما تلقحو بالجرعة الثانية 7122، مجموع اللي خداو الجرعة الثانية وصل ل9794265. الإصابات: تقاسو اليوم 5494 واحد من أصل 27932 واحد دار التحليلة، ووصل عدد المصابين فالمجموع ل575162. ومؤشر الإصابة التراكمي وصل ل1579,6 لكل 100 ألف نسمة، بمعدل 15 لكل 100 ألف نسمة فهذ 24 ساعة. حالات الشفاء: تشافاو اليوم 1604، ووصل الإجمالي ل542078، بنسبة تعافي ديال 94,2 فالمية. الوفيات: اليوم ماتو 23، ووصل هكذا عدد الوفيات ل9559، بنسبة فتك 1,7 فالمية. الحالات النشيطة والحرجة: وعدد الحالات النشيطة نزل ل23525، وعدد الحالات الحرجة وصل ل616، 135 تدهورات غير اليوم، و18 تحت التنفس الصناعي الاختراقي. ووصلات نسبة ملء أسرة الإنعاش ل19,5 فالمية. بالنسبة لتوزيع الإصابات على الأقاليم والجهات فهو كالتالي:
