موظفة في شركة فالتايلاند شعلات العافية في ديپو ديال ليصونص كانت مكلفة بيه، بعدما عيات من فعايل مديرها فالشركة اللي كيمارس عليها الضغط بلا قياس، حسب جورنال "دايلي ميل" البريطاني. السيدة عندها 38 عام، شعلات العافية في ورقة صغيرة ولاحتها في طارو عامر إيصونص، وشعلات العافية فكلشي وتسببات فخسائر كبيرة، قدروها البوليس المحلي بحوالي 900 ألف جنيه إسترليني. وتكرفسو البومبية بزاف فمحاولتهم باش يطفيو العافية اللي كانت مجهدة. إدارة شركة "Prapakorn Oil Co"، اللي كاينة فمنطقة "Sam Phran" بمدينة "Nakhon Pathom" (وسط التايلاند)، عرفات بللي الموظفة المعلومة هي مولات الفعلة بعدما بانت ليهم ف فيديوهات كاميرات المراقبة.