هاد الاحد 5 يونيو 2022 كانت الشمش وكثار من ناس المدن الشاطئية هربو للبحر باش يتبردو. غير كاين اللي خرق القانون باش يوصل. هاد الشي شافتو "كود" فلوطوروت بين كازا وبوزنيقة. عشرات صحاب لماطر غاديين مزاحمين مع الطونوبيلات. كاين شي موطور راكبين فيه 3 وكاين اللي غادي فالاتجاه المعاكس. كيشكلو خطر على ريوسهم وعلى مستعملي لوطوروت. https://web.facebook.com/Goudmediaa/videos/767215844304746 السيبة وصافي. ما كاين لا جدارمية ولا غيرهم. اول نقطة فيها الجدرامية هي اللي قبل الاداء فبوزنيقة. صحاب لماطر عارفين هاد الغياب وعارفين ريوسهم خارقين القانون حقاش ممنوع على نوعية لماطر اللي عندهم تشد لوطوروت٬ هادو كانو قبل 11 كيلومتر قبل بوزنيقة مجموعين حدا لوطووروت كيتسناو بعضياتهم. وجود هادو من غير خرق القانون والاخطار اللي يقدرو يتسببو فيها لمستعملي الطريق السيار٬ فضيحة لدولتنا. شوهة لينا. فين الجدارمية واش كيديرو باش ما مراقبينش بلايص بحال المحمدية. كيفاش كيخليو هادو يديرو ما بغاو. وجودهم اليوم فشي شكل