ودع مدافع الاسود نايف اگرد فصفحتو جمهور رين. اللعاب مشى رسميا لنادي ويست هام ب »بروميي ليگ » احسن البطولات فالعالم. المدافع شكر اللعابة والمدرب والمشجعين والمساهمين على ما عاشه. وكبت « ببرافت المشاعر كيخبركم باللي لعبت فليل اخر ماتش بالوان رين ». واوضح باللي هاد القرار صعيب لانو دوز لحظات واعرة من نهار جا للفرقة فغشت 2020. اكرد كان جا من ديجون لرين. دابا الوجهة النگليز وبطولتها الرائعة مع نادي كيقلب على راسو مع الكبار: ويست هام. كيقلب على يرجع امجادو قيمة الصفقة حسب « ليكيب » قياسية بل من اكبر صفقات نادي رين. وصلات ل35 مليون اورو. الصحيفة الرياضية المتخصصة قالت باللي هاد الصفقة دخلات تاريخ صفقات بيع النادي للعابة. دابا فالحقيقة اگرد فات صار وكاماڤينگا وديمبلي. وكان اسماعيلا صار تباع لواتفورد ف2019 ب30 مليون اورو اما ايدواردو كاماڤينگا فشراتو ريال مدريد قبل اشهر ب31 مليون اورو وقلبهم كان رين باع عصمان ديمبيلي لدورتموند ف2016 ب15 مليون اورو ولكن كانت فيه بنود جابت للنادي فاللخر 52 مليون اورو. اگرد غادي يتقدم لناديه الجديد السيمانا الجاية. اللعاب غادي علي خطوات مدافع كبير فتاريخ المغرب اللي هو نور الدين النايبت. بدا من المغرب وعاش المجد الكروي فاوربا.