رباح المغرب التاريخي البارح 27 نونبر 2022 لبلجيكا بجوج لزيرو فمونديال قطر نشط بزافت لمغاربة. خرجو فدول غربية خاصة بلجيكا وهولندا اللي فيها عدد كبير. الاحصائيات كتقول باللي 10 بالمائة من سكان بلجيكا من اصول مغربية وهاد العدد كيوصل لبروكسيل حتى ل30 بالمائة. عليها بوليس هاد الدولة وجد لما بعد الماتش. كان عارف الروينة نايضة كيفما كانت النتيجة. بعد بعد الرباح القضية زهات. فقد افادت وكالات انباء وصحف بلجيكية ان الشرطة شدات كثر من 10 اشخاص البارح الاحد بعد أعمال شغب وقعات فالعاصمة بروكسل. هاد المشجعين دارو قنبول عيشورة ورحگو شي طونوبيلات وماطر ديال الضو. البوليس قال باللي خدم الما باش يفرقو المشاغبين "بعد الماتش حاول عشرات الاشخاص مضرگين ريوسهم بضاربو مع البوليس وهاد الشي علاش درنا الما طبعا مع الاسود كاين 3 لعابة من اصول بلجيكية املاح سليم والخنوس والزروري الفرحة مع الشغب كانت حتى فهولندا. هاد الدولة فيها جالية مغربية كبيرة. فروتردام تجمع 500 شخص وسط لمدينة وتجمعو حتى فلاهاي وأمستردام وأوتريخت، حسب ما ذكرت الشرطة. بوليس روتردام قال باللي "مشجعين لاحو العاب نارية والزاج على شرطة مكافحة الشغب اللي ردات على هاد الشي بلهرواة ردت بالهراوات". هاد الشي بلا ما نهدرو علي لكلاكسون دالطونوبيلات فشوارع مدن هولندية. هاد اللي من اصول مغاربة كانو هازين الراية. بلاد حكيم زياش فرحات مزيان. طبعا كاين امرابط كذلك ولعابة خراين
