بعد معاناة الالم كمهاجر سري تعلق الامر بواقع السكن او العمل او الاشبه بالتيه في واقع لا يرحم بارض المهجر وبين صراع الذات بين ذكرى ماضي الي الجامعي نوستالجيا الاعتكاف على التحصيل تأتي الفرحة والاحساس الحقيقي بالإسانية نباشرة بعد موافقة الكويستورا على اول اقامة قانونية يستمر عبد الرحيم الجبلي في سرد يومياتها الاي ابت الا تتسى،بل كانت بمتابة المحطة الاساسية في تحقيق الطموح المأجل لتسوية الوضعية الاجتماعية وتكوين اسرة صغيرة و الظفر بسكن وعمل لائقين، يواصل المهجر حكي يومياته المليئة بالأتحداث والتشويق في قالب سردي يتواصل عبره حتى مع الفئات الاجتماعية البسيطة اليك عبد الرحيم القلم في حلقة جديدة ضمن سلسلة"يوميات مهاجر بزز عليه" "جا عندي ولد الاخ حاملا جواز سفره ،اعطيته للمشغل على امل ان تسوى طلب وضعيته ،وماهي الا يومين حتى فوجئنا بالرد سلبيا ؛ ماعليهش كنت غادي نفرح لكن الخير فيما اختاره الله ' وبالرغم من هذا حاولت جاهدا باش انشوف ليه شي واحد يعاونو ؛ وفعلا تأتى له ذلك من طرف ايطالية دارتو ابحال الى خدام عندها، المهم حتى هو اصبح وجوده قانوني على التراب الايطالي . تصورو ادفعت يوم 19 شتنبر 2002 لوراق ماخرجو حتى 23 يوليو 2003. في هاذ المدة كاملة ماعمرني اجلست كنت خدام اهنا وهناك مدبر على راسي ومشيط ݣاع . خدامين وكانتسناو ساعي البريد يجيب لينا الاستدعاء، الكل محبط وينتظر تلك اللحظة ،غاكنسمعو شي واحد تمت المناداة اعليه كلشي كايفرح ؛ تعودنا واحد النهار كملت الخدمة مع الثانية عشرة وباغي نرجع مع الثانية زوالا قلت مع نفسي نمشي نتغدا في الدار بالرغم انني جايب معايا غدايا فقط هو شعور لست ادري. وصلت للدار اللي مابعيداش بزاف بوصولي اوقف ساعي البريد اتلقينا بجوج عند الباب قال ليا ساكن اهنا "الجبلي عبد الرحيم" قلت انا هو اجبد لي رسالة مضمونة وقع ليه افتحتها لقيتهم عاطيني يوم 23 يوليوز2003 باش نمشي للعمالة اديال ڤيرونا انا والباطرون . فرحة لا توصف جاء اليوم الموعود النعاس مابغى يديني، فقت بكري امشيت عند الباطرون اركبنا السيارة اديالو اللي هي فياط بونتو باقة اجديدة ايصانص انا اتكلم عن 2003 . اوصلنا للعمالة بعد جهد جهيد دوز من اهنا ارجع من اهنا . جاء دوري ادخلت انا وياه قال واحد من البوليس واش هدا خدام امعاك ؛ انصدمت جاوبتو راه انا الي خدام امعاه شد من عندي الرسالة والباسبور والتوصيل اللي ادفعنا به ؛ اعطاوني اوراق الاقامة فيهم عام ؛ من باب الفضول وانا خارج قلت انراجع اش كاتبين صبتهم قالبين ليا الاسم يعني الاسم العائلي هو الشخصي والعكس. اول شيئ فكرت فيه اني اندير نسخة ومن بعد نرجع عندهم فعلا هداك الشي اللي درت ارجعت اعطاوني موعد اخر حوالي 15 يوم ونرجع ثاني ؛ نفس العملية ونفس الروتين لكن هذه المرة جاب الله التيسير كلشيى اصحيح. خوكم ولا بوراقو ارا برع . يتبع…
