يوسف النصيري دخل تاريخ إشبيلية مع أحسن 10 هدافين دازو عندهم

دخل النجم المغربي يوسف النصيري مع 10 أحسن هدافين فتاريخ نادي إشبيلية الإسباني، بعدما ماركا على غرناطة اليوم الاحد ضمن الدورة 34 من لاليگا، فماتش ربحوه بنتيجة 3 لزيرو.
هدف النصيري على غرناطة خلاه يرفع الرصيد ديالو من الأهداف هذا الموسم إلى 13 هدف فلاليگا، و70 هدف ماركاهم بتوني إشبيليا ملي جا للفريق فشهر يناير 2020.
يوسف النصيري وبهاد الحصيلة اللي ماركا مع إشبيلية دخل لتاريخ الفريق الإسباني، وولا مع الطوب 10 لأحسن الهدافين ديال النادي، وفنفس الوقت راه حرج الناخب الوطني وليد الركراكي اللي عندو عقم هجومي فالمنتخب المغربي وما لاقيش الحل من كأس إفريقيا اللي فاتت فالكوت ديفوار، فالوقت اللي النصيري ومهاجمين مغاربة آخرين ناجحين مع فرقهم وكيماركيو فكل ماتش هدف أو جوج ولكن فالمنظومة ديال الركراكي ما كيماركيوش.
وأحسن 10 هدافين اشبيلية هما گييرمو گونزاليز (226 هدف)، خوان ارازا (206 هدف)، خوان أراوخو (159 هدف)، فريديرك كانوتي (137 هدف)، لويس فابيانو (107 هدف)، دافور شوكور (90 هدف)، الفارو نيغريدو (85 هدف)، برناردو اكوستا (83 هدف)، مانولو دومينيك (77 هدف)، وسام بن يدر (70 هدف)، يوسف النصيري (70 هدف).