علنات شركة "ليون غيت" الميريكانية، اليوم الجمعة، ان فيلم "مايكل" لي كيحكي على السيرة الذاتية ديال أسطورة البوب الميريكاني والعالمي "مايكل جاكسن" غادي يخرج فالعام 2025، وغادي يتعرض أول مرة في 18 من شهر أبريل. الشركة قالت انها هي لي غادي تتكلف بالإنتاج والعرض ف ميريكان ديال الفيلم، وغادي تتكلف شركة "يونيفيرسال" الميريكانية المعروفة بالتوزيع ديال الفيلم على كاع العالم". على حساب ماقال موقع "فارييتي" الميريكاني فهاد الفيلم غادي يسلط الضوء على بزاف دالجوانب لي الناس ماعارفينهاش فالحياة ديال مايكل جاكسن، وشي مواقف غادي تكتاشف لأول مرة للجمهور. الفيلم غادي يبدا ف التصوير ديالو ف 22 من هاد الشهر، والمفاجأة فيه هو أن الدور ديال مايكل جاكسن غادي يلعبو جعفر جاكسون لي هو ولد خو مايكل جاكسون.