تقتل لاعب كرة قدم فجنوب إفريقيا البارح الأربعاء، من طرف مجهولين بعدما خطفوه وتيراو فيه بالقرطاس. وعلن فريق كايزر تشيفز الجنوب إفريقي فبلاغ له أن اللاعب ديالو لوك فلورس مول ال24 عام فارق الحياة بشكل مأساوي ف الليلة اللي فاتت خلال حادث اختطاف فجوهانسبورغ، وقدم التعازي للعائلة ديال الراحل، وأكد أن السلطات الجنوب أفريقية كتدير التحقيقات ديالها بدون ما يكشف تفاصيل اخرى على الحادث. ووضحت وسائل إعلام جنوب إفريقية، أن القضية فيها عملية اختطاف فاشلة، بعدما تعرض اللاعب وهو فطوموبيلتو للهجوم من طرف جوج ديال الأشخاص، وأن التحقيقات خدامة للكشف على ملابسات الحادث.