اللاعبين ديال المنتخب الوطني صبحات المعنويات ديالهم مرتافعة قبل ساعات من المباراة اللي غادية تجمعهم اليوم في الليل مع المنتخب المصري. من بعد لفطور خرجوا اللاعبين باش يتساراو على رجليهم فمنطقة "لانوفيل سابيلا" وعلامات الارتياح والثقة كانت بادية على وجوههم من بعد جاو عندهم مجموعة من اللاعبين ديال الفريق الوطني وتصوروا معاهم ورحبوا بيهم.
"المشجعين قالوا للاعبين راحنا معاكم.. الله يعاونكم" واللاعبين جاوبوهم "كونوا هانيين غايكون غير الخير إنشاء الله".
أما المنتخب المصري فدايرين ليه المسؤولين ديالو شغل العسكر ومانعين أي مشجع من أنه يقرب للاعبين قاليك باش ما يهربش ليهم التركيز.