هاد العام قررات الجزاير تدير تدريس الامازيغية ف الثانويات و المدارس ، ولكن وقع مشكل وهو انها اختيارية فقط حيث ماشي لغة رسمية بحال المغرب بل فقط لغة وطنية وهكذا قاطعوها بزاف ذ الاباء و اولياء التلاميذ ف مناطق اللي فيها اغلبية الناطقين بالعربية بل حاربوها حتى المديرين و المدرسين وفشلات التجربة بالتالي من غير ف منطقة القبايل و الاوراس و بعض القرى الامازيغية ف الجنوب. رد الفعل ديال الامازيغ كان تاهو عنيف بحيث سيمانة دابا و المظاهرات ديال التلاميذ مستمرة ف منطقة القبايل و بجاية بالخصوص وتاهما قاطعو العربية ف المدرسة. هاد المشكل ماوقعش فالمغرب حيث الامازيغية لغة دستورية و حيث ف المغرب تطبق التدريس بالتدرج و كان عمل جمعوي امازيغي مجهد عندنا اصلا اغلبية المغاربة امازيغ وماعندهمش اشكال مع تراثهم بالعكس ف الجزاير كاين فروقات كبيرة ، بحيث الناطقين بالامازيغية معزولين جغرافيا و بسبب المد القومي العربي اللي كانت كترعاه الدولة وبسببه تم احتقار الامازيغية من زمان فالاعلام و التعليم من ايامات حصار بومدين للقبايل بعد الاستقلال.