فالحصيلة اليومية لفيروس كورونا المستجد اللي علنات عليها وزارة الصحة اليوم السبت 8 ماي، ففهذ 24 ساعة الأخيرة تقاسو 314، وماتو 7، وفالمجموع 4024 مازال كيتعالجو، و43931 خداو الجرعة اللولة. وعدد الحالات النشيطة غادي وكينقص، وكذلك عدد الحالات الحرجة، الشي اللي قلص نسبة ملء أسرة الإنعاش ل8,1 فالمية. التلقيح: اليوم خداو 43931 الجرعة اللولة داللقاح، وهكذا وصل المجموع ل5473809، أما الجرعة الثانية فخداوها اليوم 27491 وصلنا فالطوطال ل4390752. الإصابات: تقاسو اليوم 314 واحد من أصل 9495 واحد دار التحليلة، ووصل عدد المصابين فالمجموع ل513628. ومؤشر الإصابة التراكمي وصل ل1412,1 لكل 100 ألف نسمة، بمعدل 0,9 لكل 100 ألف نسمة فهذ 24 ساعة. حالات الشفاء: تشافاو اليوم 348، ووصل الإجمالي ل500540، بنسبة تعافي ديال 97,5 فالمية. الوفيات: اليوم ماتو 7، ووصل هكذا عدد الوفيات ل9064، بنسبة إماتة ديال 1,8 فالمية. الحالات النشيطة والحرجة: عدد الحالات النشيطة بلغات 4024، وعدد الحالات الحرجة نزل ل255 حالة، 24 تدهورات حالتهم غير اليوم، و16 تحت التنفس الاختراقي، أما نسبة ملء أسرة الإنعاش فوصلات ل8,1 فالمية.
