حصيلة كورونا: 76863 خداو الجرعة اللولة من الفاكسان اليوم وعدد الموتى فات 9000

فالحصيلة اليومية لفيروس كورونا المستجد اللي علنات عليها وزارة الصحة اليوم الثلاثاء 27 أبريل، ففهذ 24 ساعة الأخيرة تقاسو 507، وماتو 6، وفالمجموع 4936 مازال كيتعالجو، وتلقحو اليوم 76863 بالجرعة اللولة
التلقيح:
اليوم خداو 76863 الجرعة اللولة داللقاح، وهكذا وصل المجموع ل4808303، أما الجرعة الثانية فخداوها اليوم 13806 فالطوطال 4233682.
الإصابات:
وتقاسو اليوم 507 واحد من أصل 8532 واحد دار التحليلة، ووصل عدد المصابين فالمجموع ل509972.
ومؤشر الإصابة التراكمي وصل 1402,1 لكل 100 ألف نسمة، بمعدل 1,4 لكل 100 ألف نسمة فهذ 24 ساعة.
حالات الشفاء:
تشافاو اليوم 623، ووصل الإجمالي ل496031، بنسبة تعافي ديال 97,3 فالمية.
الوفيات:
اليوم ماتو 6، 2 فطنجة و1 فكل من كازا ومراكش ووادي الذهب وسيدي إفني، ووصل هكذا عدد الوفيات ل9005، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة بلغات 4935، وعدد الحالات الحرجة وصل ل344 حالة، 50 تدهورات حالتهم غير اليوم، و16 تحت التنفس الاختراقي، أما نسبة ملء أسرة الإنعاش فوصلات ل11 فالمية.
بالنسبة توزيع الإصابات على الأقاليم والجهات فهو كالتالي: