سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
كايساهمو ف انتشار الفيروس وضد مجهودات البلاد ف الانتصار عليه.. مسؤولين رخصو ل "لافوار" ف الناظور والناس فيها معرمين بلا كمامات بلا تباعد بلا والو – تصاور
لبارح الخميس رغم ارتفاع حالات الإصابة بكورونا بشكل كبير فالمغرب، كان طوفان بشري كايهجم على "لافوار" (مدينة ملاهي) قرب كورنيش الناظور، هادشي خلا المئات من نشطاء ال"فايسبوك" ينشرو صور هاد الطوفان البشري ويتساءلو فنفس الوقت كيفاش الأعراس اللي فيها 50 واحد لا، و لافوار اللي فيها الآلاف مرحبا بيها وماكاين اللي كايكَول ليها والو؟.. السلطات رغم علمها أن هاد لافوار غادي تجيب آلاف البشر، ومستحيل ف بحال هاد الأماكن احترام إجراءات التباعد، خلات هاد الملاهي يخدمو، وطبعا متحور "دلطا" و"كَاما" و"ألفا" و"بيطا" كانو هوما اللي كايطلعو الناس يلعبو، وماشي بعيد مدينة الناظور تعرف تصاعد خطير فالإصابات بكورونا بسباب هاد العبث. دابا واش الترخيص لبحال هاد مدن الملاهي، و فهاد الفترة خصوصا، أهم من صحة المواطن؟..