عبد الرحيم الجبلي لعالم اليوم الدولية الحمد لله الامور دازت الامور بخير ؛ حصلت على اوراق الاقامة لمدة سنة ؛ هنا اشير الشخص كاتبدل حياتو عوض الخوف من المراقبة بل انك ماتقدرش تطلب خدمة بدون اقامة هنا اصبح لديك كامل الصلاحية وابحالك ابحال ايطالي ؛ تخرج فاين ابغيت اتسارى مع راسك المهم انت مواطن يسري مايسري على الجميع ؛ لكن هي كذلك مسؤولية خاصك اتقلب اعلى خدمة لاسباب مهنية ومنها ماتبقاش معتامد على الفلاحة او الاعمال الموسمية ،خاصك عمل قار بيه تقدر تبني مستقبلك كيف ابغيت انت، زائد وهذا هو الاهم ان الاوراق اديال الاقامة اللي عندي ليست صك لا ينتهي بل عندو صلاحية لفترة محددة . لهذا انت مطالب باش اتكون عندك خدمة وبموجبها فاش تدفع التجديد قبل ماينتاهيو ليك الاوراق، خاصك تكون خدام شي خدمة مزيان بعقد عمل غير محدد المدة . الاشخاص اللي ساكنين امعايا كل واحد واش ادار، المهم كلشي ساهل اعليه الله منهم ابن اخي حتى هو . فكرت جديا في امر البحث عن عمل رغم الباطرون اللي اللي ادفع لي متشبت مابغانيش نهرب عليه لكن صارحته بالامر وفسرت له اعلاش لكن في المقابل انا مدين له لانه شخص مثالي وظريف ومؤدب ؛ لم يبخل علي بأي شيئ لهذا عاهدته اني غادي نبقى انجي انعاونو ايام السبت والاحد . اول عمل كان عندي غشت 2003 مع مغربي عندو كوبراتيفا اطلبني نخدم معاه انا شي ستة اشخاص اخرين في طابا والحرارة اديال غشت ؛ بثمن بخس جدا وهو رابح اعلى ظهرك القيامة يعني هو شاد الخدمة ب 15 اورو من عند الباطرون وانت كايخلصك ب 5 اورو ؛ قمة العبودية قلت مع نفسي نبقى معاه وانقلب على خدمة حوالي شهر لقيت عمل اخر في شركة اديال الثوب ونفس العملية كوبراتيفا فيها فقط المغاربة واراك العنصرية والتقواديت والوجهيات في التعامل . هنا ستعملت واحد النظام او مايسمى كوبراتيڤا cooperativa هي تعاونية مهمتها البحث عن العمل في اي مجال حسب نظامها الداخلي وانت تمشي تخدم معاهم في شركة معينة ولكن انت محسوب على كوبراتيڤا، كثير من الاشخاص المغاربة دايرين هاد العملية منهم الصالح والطالح بل منهم من اغتنى على حساب بني جلدته ؛ بل منهم من هو متابع من طرف الدولة لانه لم يؤدي المستحقات التي عليه ؛ المهم ماشي هذا هو موضوعي ولكن الشيى بالشيئ يذكر . يتبع
