يوميات مهاجر بزز عليه"الحلقة 10″

نفس الروتين نفس الوجوه معبسين مكايضحكوش، بالرغم انهم خدامين وكايجبدو لفلوس ، كاتفيق في الصباح نفس الشيء كلشي امشى يخدم وانا باقي في الدار ؛ دبرت اعلى بيكالة كانمشي انقلب اعلى خدمة الراسي مادام حتى شي واحد مابغاك تمشي معاه ؛الاسبوه الاول والثاني والثالث ؛ لا شئ ماعرفتش اشنو واقع ، بالمناسبة كان واحد الولد اسمه حميد واحد اخر اسمه عاشر احمد كانوا اصحابي في المغرب كانمشي امعاهم انهار السبت نشرب قهوة ولايني مناين باغة الدوز ليك وكانو كايعطيوني لفلوس لكني كنت ارفض الا مرة واحدة الاخ عاشر احمد اعطاني 50 اورو . اما حميد اعطاني مطور قال لي سير قلب بيه اعلى الخدمة ، لفلوس اللي عندي مكانهزمش كانخاف يشدوني ويسولوني مناين جاوني لفلوس كنت داسهم في واحد الحفرة . كل مرة كانهز منهم شي حاجة لقضاء بعض الاغراض ، مكاينش اللي يعقل اعليك مخدامش وكنت كلنخلص لكرا لشخصين وكانتفارضو في الصيارة اديال الاسبوع ؛ تصور هداك اللي معايا كان كل مرة كايخصهم الخدامة كايعيطو اعلى شي وحدين بعاد وانا معاهم في الدار مكايقولوهاش لي ؛ البغض الحسد حتى الكراهية ، استغليت الفرصة اتعلمت اللغة الايطالية اشوية مع الرسوم المتحركة ، مرة ابغيت نخدم مع مغربي انفرقو الاشهار امشينا معاه من الساعة الخامسة صباحا الى السادسة مساءا الى مدينة تريفيزو يوم واكد فقط كانحطو الاشهار في المنازل والعمارات ، مخلصنيش في هداك النهار بدعوى فقط للتجربة ومن بعد غادي انعيط ليك ، من تم والو ، لفلوس ابدات كاتقاضى ونفس العملية كل مرة كايقولو لي سير اطلب في الديور وانا منقدرش نفسي حارة شي واحد الدق اعليه يبدا يعاير مانقبلهاش منو ، نحن الان في اواخر غشت 2002 واسمعنا القانون غادي يتفتح في اشهر 9 في المساء كل واحد فرحان لانهم عندهم الباطرونات اللي غادي يدفعو ليهم اما انا عندي الله فقط حتى ولد الاخ .
لبلاصة للي فيها احنا كاين واحد السوق اسبوعي كايعمر انهار الاربعاء قلت مع نفسي نمشي ليه وفعلا امشيت ابغيت انحط البيكالة واندير شي دورة هو يعيط ليا واحد الطالياني ماروكينو شفت فيه قلت مع نفسي فقط انه يمزح ، لكن اصر علي ان يحدتني ؛ امشيت عندو سولني فاين كانسكن اجبته بصدق قال لي باش نخدم معاه فعلا عيطت لولد الاخ اديالي باش يتفاهم معاه فعلا وراني المكان والخدمة وقال لي يجي لي يديني ديما .
جاء الفرج …..فرحة لا توصف .
يتبع