يوميات مهاجر بزز عليه"الحلقة:6″

يواصل علد الرحيم الجبلي سرد مدكارته بأسلوبن المبسط الدارج نزرولا عند رغبة قراء جريدة عالم اليون الرقمية بشكل عفوي ناقلا الاحدات كماهي دون زيادة او نقصان عبر محكات حاسمة في حياته وكيف تحول الى رقم من ارقام الهجرة مرغما،بعد نكران للذات في تحد صارخ للبطالة وهو الخريج الجامعي الذي وجد نفسه بحضن الوطن دون شغل ودون اعتراف بشواهده العليا بعد ان افنى زهرة شبابه بمدرجات الجامعة اليكم الحلقة السادسة من مدكراته المتميزة،تابعوا معنا :
"احساس رهيب جدا لاخدمة لاردمة فقط ضياع في الوقت ، لكن بالمقابل فقدت الثقة في كل شئ، اقترحت الامر على ابن اخي دي العشرين ربيعا ربح بالفكرة وقال لي حل مزيان زيدون سعيد ولد عمي رجل مايفوتش الواحد فباللاحرى معاك انت ، بدأ الاستعداد للرحيل اللهم ولد عمك ولا هاذ القرودة ، مابغتش نحرج ولد عمي ولكن مابيد اليد حيلة ،حتى لفلوس اللي كانو عندي ابقات منهم حوالي 150 اورو اش نديرو بها واحنا جوج ، اجمعت شي حويجات في الصاك، واحد اوجه الخير هزنا لواحد الفيلاج اسمه سابوني فاتشو منو غادي انشدو التران الى فيرونا ومن بعد الى نابولي ، وصلنا لفيرونا، ابغيت انقطع جوج ابلايص ولد الاخ مبغاش قال لي نمشيو سالتين رفضت الفكرة قطعت وحدة ليا هو مبغاش يقطع ؛ حوالي 20:05 حان موعد الرحلة حوالي 900كلم مسافة باش نوصلو نابولي ،انطلق القطار واسبق قبل مانركبو عيطت للسيد في نابولي قالي انا نتسناك كان اليوم السبت مساءا رحلة فيها الناس غادية زاهية وخوكم تفكير في تفكير انعاس مبغاش يجيني، ولد الاخ انعس كل مرة كانفيقو على اساس الوصول اخبرني احدهم ان الوصول سيكون حوالي الرابعة صباحا الى مشات الامور كلها مزيان . فعلا الرابعة والنصف وصلنا الى نابولي الى المحطة الرئيسية عالم اخر، شي ناعس شي سكران شي كايغوت الدنيا اتقلبت بيا وليت باغي نرجع اش جابني اهنا اللهم الشمال ولا هاد الحالة ؛ كل مرة كايدوزو من احدايا البوليس بواحد الكليب اصغير مكايدويش امعايا هو كلب مدرب على الممنوعات ، وصلات الثامنة كانعيط للسيد التلفون مطفي ، صراحة كون صبت الارض ندخل ليها ولا هاد الحالة ، اشوية عاودت الاتصال رن الهاتف اجابني ابديت كانعاير فيه، قال راني خدام قول ليا الرقم اديال البيناريو فاين كاين؟ قلت ليه رقم 17 قال لي حوالي عشر دقائق غادي يكونوا عندك الدراري راني صيفطهم، وفعلا ماهي الا عشر دقائق ووصول القطار حتى رأيت خمسة أشخاص كانعرفهم من "لوناسدة" جاو كايجريو سلمو اعلينا شي جايب المونادا شي جايب الشوارمة شي جايب الكارو المهم اتنفست مابقيتش في داك الضيق اللي كنت فيه" .
يتبع.