ناضت قربالة وشعلات ديال بصح البارح الاثنين ف البرلمان ديال ألبانيا، بعدما شعل واحد النائب فلاما ولا قنبلة دخانية وسط القبة. هاد الخطوة جات، على حساب ما قالت الصحافة د البلاد، احتجاجا على قمع المعارضة داخل البرلمان، ومحاولات إخراس الصوت ديالها. هاد النائب حيح عليهم مزيان وماوقفوه غير صحابو ف المعارضة لي كالماوه شوية. ولكن الخطوة ديالو لي وقفات الخدمة ديال المجلس، عطات النتيجة ديالها، حيت تمكن من أنه يخطف الأضواء ويوصل الميساج ديالو.