[email protected] تستمر لليوم الثاني تواليا أشغال القمة ال19 لحركة عدم الانحياز المنعقدة تحت شعار "تعزيز التعاون من أجل رخاء عالمي مشترك" فالعاصمة الأوغندية كمبالا، بمشاركة المملكة المغربية. اليوم السبت الموافق لتاريخ 20 يناير 2024 هو اليوم الثاني ديال القمة اللي تسلمات فيه دولة أوغندا الرئاسة ديال الحركة من أذربيجان اللي كانت ديحا خدات الرئاسة من سنة 2019 حتى ل 2024. قمم حركة عدم الإنحياز دائما تعرف تواجد نزاع الصحرا فالبيان الختامي ديالها، وايضابان هادشي من قبل من خلال الإجتماعات اللي دارت الجزائر وجنوب أفريقيا وخطاباتهم رفقة دول أخرى فالإجتماع الوزاري التحضيري. البيان الختامي اللي من المنتظر يصدر اليوم السبت ضروري تكون فيه شي حاجة على نزاع الصحرا كيف قلنا، وغادي تكون بحال ديما شي فقرة ماشي هي هاديك وكتروج ل "تقرير المصير" و كيحابي الجزائر وجنوب أفريقيا. البيان الختامي من المتوقع يهدر على العملية السياسية لنزاع الصحرا وإعادة إطلاقها، ولكن وفقا للتصور الجزائري من نزاع الصحراء بحيث كتسمي العملية السياسية "مفاوضات"، بالإضافة للتعبير عن دعم الجهود ديال الأممالمتحدة والمبعوث الشخصي، ستافان دي ميستورا. البيان الختامي كيف دائما غادي يتضمن الترحيب بالمسلسل السياسي ديال نزاع الصحراء وقرارات مجلس الأمن فهاد الصدد من القرار 1754 حتى للقرار 2703، فضلا عن دعوة الأطراف ودول المنطقة إلى التعاون الكامل مع الأمين العام ومبعوثه الشخصي، ومع بعضهم البعض، والتأكيد مجدداً على مسؤولية الأممالمتحدة.