رفع واحد الراجل ميريكاني من شيكاغو دعوى ضد شركة فيسبوك وميتا و27 مراة كيتهمهم فيها بالتشهير، وكيطالب بتعويضات القيمة ديالها 75 مليون دولار. في التفاصيل ديال هاد القضية كيقول الراجل لي سميتو ديكو دامريسيو وعندو 32 عام أن السمعة ديالو تشوهات بعدما شاركو شي عيالات التجربة ديالهم معاه فواحد الكروب سميتو "واش تصاحبنا مع نفس الراجل؟". هاد الكروب دار شهرة كبيرة فميريكان وكيهضرو فيه العيالات على تجارب ديالهم مع الرجال، وكيتبادلو النصائح، ولكن لي وقع مع صاحبنا كان خايب بزاف. المشكل أن بزاف ديال العايلات قالو أنهم كانوا مصاحبين معاه، ومللي خدا منهم داكشي لي بغا وقضا الغراض وخوا يدو منهم. دابا المحامين ديال دامبريسيو كيقولو أن الموكل ديالهم تأثر بزاف بهادشي وتعرض للتشهير والإهانة وكيطالب بتعويض القيمة ديالو أكثر من 75 مليار مغربية.
