[email protected] خدا ماتش دور ثمن نهائي كأس افريقيا البارح بين المنتخب الوطني المغربي ونظيرو الجنوب الافريقي منحيات أخرى عند الجنوب افريقيين وخاصة الشخصيات السياسية. الأمين العام ديال حزب المؤتمر الوطني الإفريقي الحاكم في جنوب إفريقيا، فيكيل مبالولا، تمادى بزاف فإحتفالو بفوز المنتخب الجنوب افريقي ودار تغريدة مسيئة للمغرب على حسابو فمنصة التواصل الاجتماعي "إكس" فيها بزاف ديال العداء والسياسية وتصريف العُقد بعيد على المنافسة الرياضية والروح الرياضية. هاد الأمين العام ديال حزب المؤتمر الوطني الإفريقي الحاكم في جنوب إفريقيا، فيكيل مبالولا، كتب على حسابو فمنصة "إكس": "نفوز كجنوب أفريقيا على المغرب مستعمري الصحراء الغربية. الصحراء الغربية الحرة". هاد التغريدة تنضاف إلى ردود فعل أخرى عندها توجه سياسي بحاب ديال شياتة نظام العسكر الجزائري اللي احتافلو بفوز المنتخب الجنوب أفريقي على حساب المغربي بهدفين دون مقابل لتجسيد العداء للمغرب، وكذلك مناصري جبهة البوليساريو اللي احتافلو بهزيمة المغرب للأسباب ذاتها. گاع هاد الأطراف اللي خرجات الماتش من إطارو الرياضي كنتفهمو علاش محتافلين ما دام المغرب متفوق سياسيا وآخر تجليات هاد التفوق فاش خدا رئاسة مجلس حقوق الإنسان التابع للأمم المتحدة على حساب جنوب افريقيا، اما بالنسبة للجزائر والبوليساريو فراه العُقد والبُغض اللي عندهم على المغرب فراه غادي ومستامر ما دام المغرب فصحرائو وكيمارس سيادتو. We win as South africa against Morocco???????? ,The Colonists of western Sahara ???????? free Western Sahara ???????? — ANC SECRETARY GENERAL | Fikile Mbalula (@MbalulaFikile) January 30, 2024