شدو البوليس ديال مصر نهار الأحد، واحد الشاب عندو 26 عام، كان باغي يدخل بزز للفيلا ديال الإعلامي المصري المشهور عمرو أديب لي كاينة فالتجمع الخامس في القاهرة. على حساب ماقالت الصحافة ديال مصر السيد خدام سيرفور ديال الماكلة، وجا للدار ديال الإعلامي وقاليهم راني جاي عند عمرو أديب، وفين سولو الإعلامي قاليهم مكنعرفوش ومادايرش معاه، وكان باغي يدخل بزز، وهوما يعيطو للبوليس. البوليس حققو معاه واكتاشفو شي حوايج مكيدخلوش للعقل. هاد الشاب مللي كانو كيحقو معاه البوليس، قاليهم راني حلمت فالمنام أن عمرو أديب خاصو يديني للعمرة أنا و15 لواحد فرمضان، وجيت لعندو باش نقولها ليه.