كارلو انشيلوتي مهدد بالحبس فإسبانيا والمدعي العام فمدريد كيوجه له اتهامات

مهدد الطالياني كارلو أنشيلوتي مدرب ريال مدريد، بالحبس بسبب التهرب الضريبي فإسبانيا.
وحسب جريدة "موندو ديبورتيفو" الإسبانية، فالمدعي العام فمدريد، وجه اتهامات للطالياني كارلو انشيلوتي بالتهرب الضريبي بخصوص حقوق الصورة ديالو.
نفس المصدر وضح أن المدعي العام طالب ب4 سنين و9 أشهر ديال الحبس لمدرب ريال مدريد كارلو أنشيلوتي، بتهمة الاحتيال الضريبي لمبلغ 1.06 مليون أورو، كتخص عامي 2014 و2015، وهي ضرائب ديال حقوق الصورة ديالو.
الجريدة الإسبانية، قالت إن المدعي العام كيتهم انشيلوتي بالاحتيال، حيث فالإقرار الضريبي على الدخل ديالو دار غير الصالير اللي كان كياخذ من ريال مدريد، وكان كيحذف الدخل اللي تحصل عليه من حقوق الصورة ديالو، واللي تنازل عليها لأطراف اخرى.