أكد عبد الكبير عبقار لاعب المنتخب المغربي أن الأجواء فليكيب ناسيونال زوينة، وأنهم خدامين باش يربحو الماتش الودي الثاني غدا الثلاثاء ضد موريتانيا، بعدما ربحو أنگولا فالماتش الأول. وتحدث عبد الكبير عبقار فتصريح للموقع الرسمي للجامعة الملكية المغربية لكرة القدم وقال: "الأجواء فالمنتخب المغربي كتدوز مزيان، ربحنا الماتش الأول ضد أونگولا وفرحنا الجماهير ودابا كنخدمو على الماتش الثاني باش نربحوه، وهذا هو المهم ونكملو فالرباح ونزيدو نخدمو على لگروب". وكمل عبقار: "الجماهير كيشجعونا ونتمناو فالماتش الثاني نربحو بنتيجة كبيرة ونهديوها للجمهور.. الحلم ديالي من شحال هادي هو نكون فالمنتخب والحمد لله تحقق ودابا غنزيد نخدم باش نرجع ثقة الطاقم الثقني فيا ونكون عند حسن ظن الجماهير".