عبر الدولي المغربي أشرف داري على الفخر والفرحة ديالو حيث رجع المنتخب الوطني المغربي، اللي كاين معه دابا فمعسكر تدريبيي استعدادا لمواجهة كل من أنگولا وموريتانيا وديا، وأكد أنه هو صحابو فليكيب ناسيونال غيديرو اللي فجهدهم باش يفرحو الجماهير المغربية. وتحدث أشرف داري فتصريح لموقع الجامعة الملكية المغربية لكرة القدم وقال: "فخور حيث عيطو ليا للمنتخب المغربي وفرحان حيث جيت هنا باش نقدم الإضافة ونعاون صحابي نحققو المبتغى ونفرحو الجماهير اللي كتسنانا". وكمل داري وقال: "الأجواء مزيانة بحال العائلة كلشي ناشط ونتمناو أننا نقدمو الإضافة ونعطيو كل ما عندنا باش نفرحو الجماهير ديالنا اللي ديما كتجي بكثرة ونتمناو نربحو فهاد جوج ماتشات باش نفرحوهم ونرجعو للتوهج ديالنا ونمشيو فالطريق الصحيح".