تفاعل الناخب الوطني وليد الركراكي ما الانتقادات اللي كتجيه بسبب خطة لعب المنتخب المغربي، وكيشوف أنه كيفما دار وحلا سوا بدل او ما بداش. وقال الناخب الوطني وليد الركراكي قبل الماتش الودي بين المغرب وموريتانيا: "إلى بدلت غتقتلوني.. كيفما كنقول فالتاكتيك اللي مهم هي لانيماسيون، وملي كتشوف ابراهيم كيرجع وأمرابط وأوناحي كيطلعو شويا وكنبدلو من 4-2-3-1 ل 4-3-3". وكمل الركراكي: "ملي كيكونو عندك لاعبين بحال ابراهيم دياز وإلياس بنصغير وحكيم زياش بحال الماتش اللي دارو ضد أنگولا لانيماسيون كتولي تبان ساهلة، وفهاد الثلاثة ايام خدمنا واللاعبين كيعاونوك". وزاد وليد الركراكي وقال: "غنبقاو فهاد السيستيم باش الدراري يولفو حيث ما عندناش بزاف ديال الوقت، وأنا خاصني نلعب أحسن اللاعبين فالبوسطات ديالهم".