وحيد خاليلوزيتش، مدرب المنتخب الوطني أكد بلي التأهل للمونديال ديال قطر 2022 غادي يكون صعيب، وما يمكنش نتكلموا على هادشي دابا، لحقاش مازال عمل كبير كينتظرنا. واضاف المدرب البوسني أن مستوى المنتخب المغربي مازال ف حاجة إلى كثير من العمل “طبعا جيت للمنتخب باش ندوز للمونديال ولكن ما نقدرش تواعد المغاربة بالتأهل لكن مع العمل والتغييرات، لي كانقوموا بها غادي تحسن الامور”. وحيد خاليلوزيتش أكد في تصريحات صحافية، إن المنتخب المغربي لم يكن أداءه جيدا في نهائيات كأس إفريقيا بمصر 2019، بدليل انه لم يخلق فرصا واضحا للتسجيل، خصوصا أمام بنين. وعبر المدرب خاليلوزيتش عن استغرابه للانتقادات لي توجهات ليه في الماتشات لي فاتت، واضاف “درت 4 ديال الماتشات ودية، باش نجرب اللعابة وتختار التشكيلة لي نقدر نعتمد عليها”. واعترف المدرب البوسني أن الجمهور المغربي كيعشق كرة القدم، لكن خاصو يعرف أن المنتخب المغربي ما شي هو الاقوى في لافريك “خاصنا تعرفوا هادشي، وانا معنديش عصا سحرية باش نحققوا نتائج إيجابية في ظرف قياسي يحب علينا مواصلة الخدمة من أجل بناء منتخب قوي”.