الوكالة المستقلة لتوزيع الماء والكهرباء بمراكش قطعات الضو هاد الصباح على ملعب القنصلي للتكوين بباب دكالة فمراكش، اللي كيدرب فيه لاعبو الكوكب المراكشي. المستخدمون والممارسون فوجؤوا بانقطاع الضو، بعدما كانوا كايستعدوا باش يدوشوا. وكشف شاهد عيان ل”كود” أن الناس ديال لارديم حيدوا المگانة ديال الضو، وخلاه الموظفين بلا ضو واللعابة طلع ليهم الدم، بعدما لقاوا الما ديال الدوش بارد. والفضيحة الكبرى أن هادشي كامل وقع على ود 3 ديال المليون ما قدروش مسؤولي الكوكب يخلصوها. وهادي فضيحة أخرى انضافت إلى المهازل اللي كاتعيش الكوكب المراكشي بسبب النتائج السلبية، الشي اللي خلا الجمهور يدخل على الخط ويطالب بإبعاد المسيرين الحاليين.