وزارة الصحة اليوم دارت خطأ فادح ف التعامل مع المواطنة الفرنسية لي تشافات من فيروس كورونا، حيث أوردت في بيان لها أن بلي "الفرنسية من الأصول السنغالية تم تأكيد شفاؤها وخلوها من كوفيد-19 عبر التحاليل المخبرية وستغادر المستشفى اليوم السبت ليصبح عدد الحالات التي شفيت ثلاثة". هنا خطأ كبير ف التواصل، يا تقولينا مواطنة فرنسة أو سينغالية، حيث هادشي فيه ريحة العنصرية، لي كيتشكاو منها المغاربة ف بعض الدول. دبا داك اللي مكلف بالتواصل فوزارة الصحة واش مكيعرفش يكتب البيانات اللي ما فيهاش عبارات توحي بالعنصرية. دابا المغرب اكثر الدول كتعاني من هاد العنصرية. ففرانسا ايلى كانت شي حاجة خايبة بحال الارهاب والاجرام كيقولو فرنسي من اصل مغربي ولا كانت شي حاجة ايجابية ما كيجبدوش الجنسية. هاد المكلف بالتواصل علاش زاد فرنسية من اصل سينغالي. باش يهدر على لون البشرة. دابا هاديك اللي فاكادير ايلى كانت اصولها ايطالية او برتغالية او اسبانية او بولونية واش غادي يكتب "فرنسية من اصل ايطالي". ابدا. زيد على هاد الخطأ، الوزارة مرتبكة ف التواصل، المسؤولي لي ف لجنة اليقظة لي كيديرو دور مهم وعندهم معطيات دقيقة وكيخدمو مع مصالح الدرك، هوما لي من الأفضل يتواصلو اما عبر تقنية اللايف فيها 5 دقايق كل ليلة أو يديرو بث مباشر ويبقاو الصحفيين يرسلو ليهم الاسئلة. كانت تجربة محمد اليوبي، مدير مديرية الأوبئة بوزارة الصحة، ف التواصل ناجحة بزاف، وكولشي كيقول هذا كفاءة حقيقة وضابط شغلو وكيعطيو معلومات بطريقة بسيطة ف هاد الأزمة. وكانت الوزارة قد أعلنت وزارة الصحة قد أعلنت أنه تم إلى حدود اليوم السبت 21 مارس 2020 وإلى غاية الساعة السابعة والنصف مساء، تسجيل ما مجموعه 96 حالة إصابة مؤكدة بفيروس "كورونا". فهاد الوقت خاص المكلف بالتواصل بصياغة البيانات يكون يرد بالو بزاف لهاد الشي.
