توفى اليوم الاربعاء، بيرني مادوف، وهو مول أكبر مخطط بونزي فالتاريخ، فحبس فيدرالي، حسب ما قال شخص مطلع لوكالة أسوشيتيد بريس. وقال المصدر أن مادوف مات فالمركز الطبي الاتحادي فباتنر بولاية نورث كارولينا، لأسباب طبيعية على حساب ما كيبان. وفالعام اللي فات، عطاو المحامين ديال مادوف شي وثائق للمحكمة لمحاولة إطلاق سراحو، بسبب جايحة كوروننا، وقالو انه كيعاني من مرض كلوي فالمراحل ديالو الأخيرة، بالإضافة لامراض مزمنة اخرى، لكن الطلب ترفض. واعترف مادوف بخداع آلاف العملاء باستثمارات بمليارات الدولارات لعقود طويلة. وقدرات المحكمة ترجع كثر من 13 مليار دولار من أصل 17.5 مليار دولار حطوها المستثمرون عند مادوف. وفي وقت اعتقال مادوف، كانت بيانات مزيفة فالحساب كتقول للعملاء بأن عندهم ممتلكات بقيمة 60 مليار دولار.