علنات شركة "Meta" أنها غادي تلونصي ميزاجور جديدة خاصة ب"WhatsApp"، باش المستخدمين ديال هاد لابليكاسيون يبقاو آمنين، وغادي تكون ميزات جديدة يقدرو المستعملين يدخلوها في الأيام الجاية، حسب الشركة المذكورة. ومن بين هاد الخاصيات الجديدة، غادي يقدر أي واحد يخرج من الكَروبات بلا ما يخلي الأثر وما يعرفو حد راه خرج، باش بنادم يتجنب الإحراج. وأيضا كاينة من الميزات الجديدة أنه الواحد عندو الحق يختار شكون يشوفو أونلاين وشكون ما يشوفش، وفنفس الوقت يقدر يختار آخر وقت دخل فيه ل"واتساب" ويبينها لعدد محدد من الناس اللي عندو حسب اختيارو. حاجة أخرى، أن الكاپتور ديكغون غادي تولي ممنوعة فشي حالات، وأي واحد دار كاپتور ديكغون غادي يوصل تنبيه للشخص الآخر اللي معاه فالكونڤيرساسيون. هاد لاميزاجور بالميزات الجديدة غادي تبدا فبريطانيا هي اللولة، على حسب الإعلان ديال شركة "ميتا"، وعاد غادي تتعمم على بلدان أخرى.