طنجة.. توقيف المتورط الرئيسي في سرقة قبعة "كوتشي" بحي بئر الشعيري    "كان فوتسال السيدات" يفرح السايح    عادل الفقير    محمد وهبي: كأس أمم إفريقيا لأقل من 20 سنة (مصر – 2025).. "أشبال الأطلس" يطموحون للذهاب بعيدا في هذا العرس الكروي    حكومة أخنوش تُطلق أكبر مراجعة للأجور والحماية الاجتماعية    الملك يهنئ أعضاء المنتخب الوطني لكرة القدم داخل القاعة للسيدات بمناسبة فوزه بكأس إفريقيا للأمم 2025    نواب بريطانيون عن الصحراء المغربية: مخطط الحكم الذاتي محفّز حقيقي للتنمية والاستقرار في المنطقة بأكملها    سيدات القاعة يفلتن من فخ تنزانيا في ليلة التتويج بلقب كأس إفريقيا    افتتاح فندق فاخر يعزز العرض السياحي بمدينة طنجة    ترامب يستقبل رئيس الوزراء الكندي    انطلاقة أشغال المركز الفيدرالي لتكوين لاعبي كرة القدم بالقصر الكبير    منتخب المغرب لأقل من 20 سنة يدخل غمار كاس افريقيا للأمم غدا بمصر    بهدف قاتل.. منتخب السيدات للفوتسال يتوج بلقب الكان في أول نسخة    زخات رعدية مصحوبة بتساقط البرد وهبات رياح قوية مرتقبة بعدد من أقاليم المملكة    جهة طنجة-تطوان-الحسيمة تتصدر تعيينات الأطباء المتخصصين لسنة 2025 ب97 منصباً جديداً    طنجة .. كرنفال مدرسي يضفي على الشوارع جمالية بديعة وألوانا بهيجة    عبد النباوي: العقوبات البديلة علامة فارقة في مسار السياسة الجنائية بالمغرب    الاستيلاء على سيارة شرطي وسرقة سلاحه الوظيفي على يد مخمورين يستنفر الأجهزة الأمنية    خبير صيني يحذر: مساعي الولايات المتحدة لإعادة الصناعات التحويلية إلى أراضيها قد تُفضي إلى نتائج عكسية    تجار السمك بالجملة بميناء الحسيمة ينددون بالتهميش ويطالبون بالتحقيق في تدبير عقارات الميناء    سلطات سوريا تلتزم بحماية الدروز    مأسسة الحوار وزيادة الأجور .. مطالب تجمع النقابات عشية "عيد الشغل"    القصر الكبير.. شرطي متقاعد يضع حداً لحياته داخل منزله    موتسيبي: اختيار لقجع قناعة راسخة    بورصة الدار البيضاء تنهي تداولاتها على وقع الأخضر    إدريس لشكر …لا ندين بالولاء إلا للمغرب    المغرب يتلقّى دعوة لحضور القمة العربية في العراق    المغرب يواجه حالة جوية مضطربة.. زخات رعدية وهبات رياح قوية    مُدان بسنتين نافذتين.. استئنافية طنجة تؤجل محاكمة مناهض التطبيع رضوان القسطيط    الإنتاج في الصناعات التحويلية.. ارتفاع طفيف في الأسعار خلال مارس الماضي    الشخصية التاريخية: رمزية نظام    فلسفة جاك مونو بين صدفة الحرية والضرورة الطبيعية    دراسة.. الأوروبيون مستعدون للتخلي عن المنتجات الأميركية    وزارة الأوقاف تحذر من الإعلانات المضللة بشأن تأشيرات الحج    العراق ولا شيء آخر على الإطلاق    إلباييس.. المغرب زود إسبانيا ب 5 في المائة من حاجياتها في أزمة الكهرباء    مسؤول أممي: غزة في أخطر مراحل أزمتها الإنسانية والمجاعة قرار إسرائيلي    انطلاق حملة تحرير الملك العام وسط المدينة استعدادا لصيف سياحي منظم وآمن    العلاقة الإسبانية المغربية: تاريخ مشترك وتطلعات للمستقبل    الإمارات تحبط تمرير أسلحة للسودان    ندوة وطنية … الصين بعيون مغربية قراءات في نصوص رحلية مغربية معاصرة إلى الصين    رحلة فنية بين طنجة وغرناطة .. "كرسي الأندلس" يستعيد تجربة فورتوني    ابن يحيى : التوجيهات السامية لجلالة الملك تضع الأسرة في قلب الإصلاحات الوطنية    فيلم "البوز".. عمل فني ينتقد الشهرة الزائفة على "السوشل ميديا"    المغرب يروّج لفرص الاستثمار في الأقاليم الجنوبية خلال معرض "إنوفيشن زيرو" بلندن    مهرجان هوا بياو السينمائي يحتفي بروائع الشاشة الصينية ويكرّم ألمع النجوم    جسور النجاح: احتفاءً بقصص نجاح المغاربة الأمريكيين وإحياءً لمرور 247 عاماً على الصداقة المغربية الأمريكية    مؤسسة شعيب الصديقي الدكالي تمنح جائزة عبد الرحمن الصديقي الدكالي للقدس    حقن العين بجزيئات الذهب النانوية قد ينقذ الملايين من فقدان البصر    اختبار بسيط للعين يكشف احتمالات الإصابة بانفصام الشخصية    دراسة: المضادات الحيوية تزيد مخاطر الحساسية والربو لدى الأطفال    دراسة: متلازمة التمثيل الغذائي ترفع خطر الإصابة بالخرف المبكر    اختيار نوع الولادة: حرية قرار أم ضغوط مخفية؟    التدين المزيف: حين يتحول الإيمان إلى سلعة    مصل يقتل ب40 طعنة على يد آخر قبيل صلاة الجمعة بفرنسا    كردية أشجع من دول عربية 3من3    وداعًا الأستاذ محمد الأشرافي إلى الأبد    قصة الخطاب القرآني    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



علاش تعاودات تبنات من جديد مدرسة اولاد شبانة وعلاش تبنّاها الدوار. تجربة مثيرة كانت غتفشل كثر من مرة بغباء المسؤولين والانتخابات والاستهتار والقايد والمدير الاقليمي – تصاور
نشر في كود يوم 25 - 06 - 2022

البارح جا شكيب بنموسى وزير التربية الوطنية والتعليم الاولي والرياضة باش يدشن مدرسة اولاد شبانة بدوار لحنافات فقيادة راس العين باقليم سطات. كان معاه ناس التعليم وكانت السلطات فمقدمتها عامل الاقليم ابراهيم ابو زيد وكانو ناس الدوار. اللي كان غايب هو امهات تلاميذ وتلميذات هاد المدرسة. اللي خشى نيفو وحضر وما خاصوش يكون هو رئيس جمعية اباء واولياء التلاميذ. باش كانت المدرسة مرفصة بزاف ما كانش هاد السيد. باش كاينة الكاميرا بان. خاص الدوار يجري عليه هو اصلا ما بقاش ساكن تماك. هاد النوع من الانتهازية كتقتل كاع القطاعات.
ندوزو للمهم. كيفاش جات اصلا فكرة تريب مدرسة كانت مبنية ف"برفابريكي" وحالتها خايبة وطبعات فبلاصتها مدرسة كتحتارم ادمية التلميذات والتلاميذ ومعاهم الاساتذة. الفكرة جات من عبد الصمد بلمدني قائد قيادة راس العين اللي كان ومشى لسيدي قاسم. الطلب ديالو كان هو نقلبو على شي محسن يدير اصلاحات للمدرسة هاد الشي فبداية 2021. بالفعل بعد ايام جا رجل الاعمال عبد الهادي زهير الرئيس المدير العام لSAMA INVEST مع صديقو رجل الاعمال عبد الواحد شوقي باطرون "بيبانكم". زهير بحكم انتماؤو لاولاد سعيد بنفس الاقليم سبق دار مشاريع بحال هادي.
دخلو للقسم وكان حاضر القايد. الحالة خايبة بزاف. السقف مقلع. ايلى جات الشتا تگطر ولا جات الشمش تحرق. فالحقيقة كانت بحال شي زريبة ماشي مؤسسة تعليمية. هاد المنظر الصادم صدم زهير عبد الهادي كيف ما صدم قبلو اللي القايد. صدمة غادية تكون محفز كبير باش هاد المشروع اللي كان غادي يوقف٬ كمل حتى النهاية... الا المشرفين على القطاع. المعلمات والمعلمين هادوك عايشين المعاناة كل نهار. كانو مع مدير المدرسة اكثر المتحمسين.
هنا جات الفكرة من رجل الاعمال باش راه ما كاين ما يتجمع فهاد المدرسة. خاصها تريب وتبنى من جديد. ترازا. الشرط اللي كان فالبداية هو ما تكون حتى شي علاقة بالمقاول الا بوزارة الداخلية. طبعا الشرط ماشي المقاول اللي حطو بل ولاد الدوار اللي كيعرفو المقاول ودار بوجههم وقبل يدير هاد العمل الانساني لكبير. غير هي الامور ما مشاتش كيف تخطط ليه فاللول ووقع اللي كان متوقع.
بدات معركة كبيرة باش دير عمل مواطن فدوارك. كان خاص دوز على المديرية الاقليمية لوزارة التربية الوطنية بسطات. فيها المدير اسمو عبد العالي السعيدي. ديك الساعة كان الوزير هو سعيد امزازي. تم الاتصال بيه وشرح فكرة المدرسة وكان متحمس وقال لينا نسقو مع "الشاب" اللي عزيز عليه.
الشركة بقات كتسنى باش تبدا وكانت جاهزة باش فالعطلة المدرسية ل/2020 /2021 توجد ويدخلو الدراري يقراو فيها. غير هي سنة انتخابية حسابات اللي باغي يشوف مدرسة زوينة عوض هاديك الكارثة ماشي هي حسابات لا الداخلية ولا التعليم. هاد الشي غادي نعرفوه من بعد.
المهم كان تحديد لاول لقاء مع السعيدي المدير الاقليمي للتربية الوطنية فسطات. ناس الدوار وممثل عن الشركة تنقلو من كازا لسطات باش يشوفوه. باش وصلو للموعد كيف حددو هو قبل وكان يوم الجمعة٬ جاوب بعد محاولات فالتلفون باللي راه مشعول فشي نشاط خارج سطات وغادي يتعطل شي ساعة. شوية هاديك الساعة تزادت. بكل غباء وباقحام اغبى للدين٬ قال "وسير صلي فالجامع حتى نتلاقاو". فهاديك اللحظة كتشك واش هادا من شي جماعة اصولية ولا مسؤول. واحد عندو لقاء معاه. اش دخلك لشي صلاة او غيرها. طبعا الجواب قال ليه دخل سواق راسك واش داك دخل الصلا او الدين.
فاللخر ما كانش الاجتماع. ممثل الشركة السي عزيز باخلاق ناس سوس وادبهم ومعرفتو لعقليات متخلفة فالادارة المغربية٬ امتص الغضب وقال باللي نرجعو مرة اخرى. فالحقيقة رجع غير هو وتبع داك الشي.
الفكرة فاللول يديرها شخص ويتوقع اتفاقية مع المديرية الاقليمية. السيد المدير مول الصلا ما قالش باللي راه ماشي ممكن. حتى دازت شي شهر وبعد اتصال معاه عاد قال "اه راه خاص الاتفاقية ديرها الشركة مع المندوبية". يمكن يكون هاد المسؤول مشغول. لكن الطريقة باش تعامل فهاد المشروع كانت خايبة بزاف. لا تواصل لا اعطاء اللي خاصو يدار فالوقت. هاد الشي ضيع وقت طويل.
فاللخر تقرر٬ حقاش فبلادنا ايلى بغيتي دير مدرسة فبلاصة مدرسة رايبة مكرفصة= شوفو التصاور والفيديو= خاصك الا تقلب على ارض وتبنيها بوحدك ومن بعد تعطيها للدولة. هادي هي الاسهل واما تدخل عند الادارة يصطيوك.
دزنا هاد المرحلة وجات مرحلة بداية الانجاز. الشركة بطوبوگرافها ومهندسها واطرها خدمات ووجدات تصميم كيف قالت المديرية. شي وحدين فهاديك المديرية اللي ما فراسهمش فهاديك اللحظة حتى كيف دايرة هاد المدرسة٬ بداو يفهمو. اه راه حسب المعايير خاص تنقص 5 سنتمتر. ديرو هادي... هاد كلمة المعايير كيتعصبني بزاف. عند هاد المديرية٬ مزيان يكون البرد ويجي للدراري والدريات والمعلمات والمعلمين شي بنوموني ويمرضو فالبرد وفالصيف٬ ولكن تجيب مشروع جديد بالزربة كيدخلو فتفاصيل غير باش يعرقلوك وصافي. تصورو هاد الشي راه العامل فراسو وعجبو المشروع ودعمو وفراس كذلك الوزير امزازي ديك الساعة اللي عجبو ولكن تخربقات مع ناس المديرية الاقليمية.
واحد الوقت هزيت يدي. ما بقينا باغيين مدرسة. نقلبو على ارض ودار فيها مدرسة بقوامها وباحترام آدمية اولاد الدوار وتعطي للوزارة على تبقى تتعامل مع ادارة هبيلة. لكن عزيز ممثل "سما انفيست" وباشراف دائم لرجل الاعمال زهير عبد الهادي ما بغاوش ينزلو اليدين. بقاو يديرو اللي بغاو. بالنسبة لي مشهد عبثي. هادوك ما بغاوش مدرسة وصافي.
اه نسيت نقطة اخرى٬ واحد الفترة فاللول كان حتى شك من المندوبية واش هاد الشركة بصاح غادية تبني المدرسة. وصلات حتى ولينا نقولو للمديرية الجهوية ممكن تحط فلوس ضمانة غير باش يرتاحو. ووالو.
دازت ليام وجا الاتصال من بعد من بعبد المومن طالب٬ مدير الأكاديمية الجهوية للتربية والتكوين لجهة الدار البيضاء سطات‏. تلاقاتو الشركة. بدات الامور كتحرك ولكن حتى دوز الانتخابات.
دابا هادوك التعليم عتاقدو ان اللي جاب لدوارهم مشروع باغي يترشح للانتخابات. شوفو التصطية. يسولو غير وزيرهم يعرفو. يسولو غير الداخلية يعرفو. اصلا ما كيكونش تماك الا مرة مرة واحيانا كثر من شهر ما كيبنانش فارض جدودو.
هاد التصطية ديال امكانية استغلال بناء مدرسة فالانتخابات عطل عاود ثاني المشروع. جمدو. ما تحرك حتى بعد 7 شتنبر 2021. واخا الاتفاقية توقعات بين الشركة وبين المديرية الجهوية من جهة والاكاديمية الجهوية من جهة اخرى.
سالات الانتخابات ورجع شوية الروح للمشروع. كان مشكلة اخرى وهي ان التلاميذ والتلميذات خاصهم يبقاو يقراو ويبدا الترياب. يعني من اصل 5 اقسام كان خاص جوجت اقسام يبقاو يتناوبو عليهم المستويات. الحل الساهل هو توزيع هادوك التلاميذ علي مدارس قريبة وكانت شركة للنقل المدرسي بغات دير هاد الشي فابور. هنا تشوفو عبقرية مسؤولي التعليم فسطات.
بدا الترياب وبدات الخدمة واخا ناس التعليم فسطات قالو كلمة ما مفهوماش. "ما مزروبينش. خودو وقتكم". الشركة باغية تعطي المشروع بسرعة باش يقراو الدراري والسي المدير ما مزروبش. العبث.
بصبر الشركة بدات العملية. هي عملية مكلفة. كيفاش تريب 3 الاقسام وجزء من الساعة وتخلي جوجت الاقسام؟ ماديا وتقنيا وحتى نفسيا مكلفة. ومع ذلك دارت.
هاد الشي بلا ما نهدرو على شي تصرفات مجانية. الفكرة ديال المدرسة كانت هي دوار صايبها ماشي شخص. دوار يعني هو اللي بناها ويتبناها باش يحافظ عليها لوليداتو يقراو فيها. كل واحد من الدوار يعتابرها ديالو ويحميها. راه قبل كلشي كان يتشفر. ما كانش عندها حتى سور. لكتوبا ديال الدراري اللي من المفروض يكونو فالاقسام تلقاهم كيطيرو بالدوار. لكن صفحة المديرية الاقليمية دارت فيديو كذوب. فيه باللي هي دارت شراكة مع شركة لبناء هاد المدرسة. راه مازال عندها فالصفحة ديالها. واش هادو عندهم شي عقل.
دابا هادوك اللي قالو تم ترميم مدرسة ما عارفينش علاش كيهدرو. راه كانت بلاصة حمرية حاطين فيها اقسام مصايبة من "بريفابريكي" فيها الزنك فالسقف وفيها لغمال وفيها الويل. ترازات بالتدريج. بدات الخدمة. تصيبات طابلة كبيرة بالبيطون ارمي هي اللي غادية تولي ساحة المدرسة. تبناو الاقسام. تصيبات طواليت كتحتارم كل واحد فهاديك المدرسة. تصيبات مكتبة عاد الاقسام 5 فيها قسم للتعليم الاولي وزايد على هاد الشي مكتبة. هاد الشي طلع وهو رقم تقريبي باكثر من مليون و500 الف درهم. هاد الشي بلا ما يتحسب لخشب ولاليمينيوم. باش جات الحكومة كان الوزير شكيب بنموسى اللي من بعد غادي يعرف بالمشروع. عجبو وعجباتو فكرة تكون شراكات بين المجتمع المدني والمدرسة فمحيطها الطبيعي =دوار حي= وبالتعامل مع مصالح الوزارة باش طور العملية التعليمية. حقاش يستحيل ينجح التعليم والتربية والتكوين بيد وحدة. يد الدولة ممثلة فالوزارة. خاص اشراك جمعيات اباء واولياء التلاميذ وناس الدوار. فكرة زوينة غير هي فمدرسة اولاد شبانة خاصها تعاود من اللول.
هاداك رئيس جمعية الاباء اللي مشى يهدر فدوزيم خاصو يحشم على عراضو. شكون هو واش دار. علاش مازال اصلا رئيس شي حاجة ما كيديرهاش. كيفاش جاي من مكناس وهدر مع دوزيم وحضر لاجتماع مع لوزير ويرجع ينعس مرتاح الضمير وهو ما حاضرش ما كاينش. ما عايش تماك. المجتمع المدني خاصو يبدا ينقي باب دارو اولا. راه شوهة.
فيلم المدرسة ما سالاش هنا. كانت جمعية اصدقاء "گوتنبورگ" اللي كيرأسها خليل الهاشمي الادريسي قررات انها توهب مكتبة للمدرسة. القرار جا بعد طلب تقدم ليهم. كتوبا مناسبة للدراري وممكن تكون مكتبة الدوار. هادا هو الانفتاح على المحيط. دابا العملية غادية مزيان. كاين فضاء مزيان. خدمة زوينة دارتها هاد الجمعية ودارها الهاشمي وبرادة محمد وحسن حبيبي
"اتصالات المغرب" وفالحقيقة عبد السلام احيزون الرئيس المدير العام باش سمع الخبر ديال المدرسة وحاجة الدراري لكمبيوتروانترنت بسرعة قياسية كانت قاعة المكتبة مجهزة ب3 الحواسيب والمدرسة ب20 جيگا. فالتدشين كان هاد الشي حاضر.
كاينين فنانين وعدو باش يعاودو الواجهة يبدعو فيها بشراكة مع الدوار مع وليدات المدرسة.
البارح بنموسى قال باللي ما يمكنش للمدرسة تنجح بلا ما تخدم بشراكة مع محيطها مع المجتمع المدني. دوار لحنافات هو اللي كان فكاع مراحل البناء حاضر. حتي باش تلاحت الضالة هما اللي جابو الكسكسو وفرحو بالبناية بالشركة. البارح باش بغاو يدخلو جا شي حد ما عرفناهش منين وما ساكنش اصلا تماك وبغى يمنعهم. شوفو التلفة. ردو عليه "حنا فدوارنا. فمدرستنا باللي بنيناها. انت شكون" هاد الفكرة ديال تتبنى المدرسة مهمة بزاف. خاصها تقوى اكثر. خاص اشراك امهات التلاميذ والتلميذات اكثر باش تبقى المدرسة زوينة لوليداتهم ولحفايدهم.


انقر هنا لقراءة الخبر من مصدره.