القصر الكبير جبيت نسمح فيك و فالدين وتفكرت رضاكم من رضات الوالدين الكنائس فيك مرمة و من عندهم محضية و الجوامع كطيح فوق رءوس راكعة بالهم مبلية أنا ماشي ملحدة، ولا ردوني مسيحية أنا ماشي سلفية ولا شيعية جئتكم من لبنان أنا ماشي عبد شئ أجنبي يدفعلي و نقول لي كان أنا ما باغا ثورة ما عرفت ناس الغيوان ما كنقلب على منصب فجماعة و لا برلمان أنا قصراوية حرة على القصر غيورة بغيتو يرجع نظيف امن، عامر بالجنان ماشي بوليسي فيه يطمع حتى فلي فقير يقولو : ارا من تما ولا نهدملك السنان ماشي كلما كبر فيه الشفار كيقطع لبر الأمان وإلا سرق الفقير يحكمو عليه فالان ما بغيت حد يمص دم غيرو ما يبات فيه جيعان قالولي ولات فيه من كل نوع جمعية عدالة و ديموقراطية و حتى حقوق الإنسان من هادشي ماشوفت والو را باقي كيف ما كان لي جي ليه يترشى حيد الك من تحت الضرسة يدوخك بألف جلسة و فالآخر يقلك ما عندي ما ندير لك حقك را ضاع و الله هو الحنان0 شوارعه عامرة بالغبرة الهيروين في كل مكان0 بغيت عدالة اجتماعية ما تبقى رشوة لا محسوبية بغيت عدالة و تنمية ماشي ديال بن كيران ما كنتسناشي إسلامي يوريني الفرائض قصراوة ديما مسلمين دابا و من يام زمان ما نستعمل دين فكلامي يهودي، مسلم المغاربة كلهم إخوان 0 شدو علينا القرقوبي و كل واحد للقصر خان0 القصر الكبير قلتالك و نزيد نعاودالك ما بغيتلك والو كثير غير يفعلو فيك التغيير