ضد مضادّي التيار

هذه التظاهرات اللتي الهدف منها ؛ هو إثارة الشغب والقلقلة وزعزعة الامن والنظام فالبلد وبالتالي معرفناش هادشي هادا منين مدفوع ؟واش مالجزائر واش من البوليزاريو ؟؟ واش شي ناس عندهم مصالح فهادشي هادا؟؟ بل فقط هي حمَّى ديال هادشي دابا للي كاين فتونس و فمصر وبعض الدول العربية للي بغاو بعض الناس عن جهل بطبيعة الحال في إطار "التقليد و الإستيراد" لأن هاد الشِّي مستورد ،ماشي وليد ديال ظروف بطالية و إجتماعية و كذا وكذا..اللي تقدر ادِّير شي حاجة بحال هادي!!
إذن و بالتالي هاد الشِّي كامل تَقْدر تكون قوى مطربسة داخل البلد و كاتْسَنى الفرصة باش تَطْبخْ السّم ديالها بحال جماعة العدل والإحسان؛ اللي سايَكْهم داك الشيخ عبد السلام ياسين ( وهاد الكلمة ديال الشيخ يعني دخيلة بدورها على الثقافه المغربية) عبد السلام ياسين للي عندو جوج د الفيلات و هادي وثائق للي كَتْبينها المحافظة ديال ولاية الدارالبيضاء ؛ جوج د الفيلات فقاسم كيَسْواوْ الملايير أمعرفناش أخويا منين جاب هادشي هادا أسيَّدْ كان فالتعليم ؛ شوية دار اللحية؛ شوية دْ الكْتيْبات ؛ شوية التطاول و شوية كالَّكْ الفيلات ولا معرفت شنو داكشي ....؟ ؟معْرفناشْ شكون كايْدعّم هاد الناس هادو ؟ولا حكّة و الواد أرى وللات عندو الرؤيا و تكشف أعليه لحْجاب و داك الشِّي ديال الصوفية والرهبانية، يعني و ذالك أقرب إلى المسيح ودين المسيح من دين الإسلام!! رهبانية تدعونها فكتبناه عليه؛ وبالتالي أحْنا كمغاربة أرا ما شادِّين غريمَه ما عندنا بقعة أرضية ما شادِّين ّتا شي حاجة، و لكن الولاء ديالنا للَبلد الحبيب و الحفاظ على الأمن و الإستقرار للبلدْ، نتظاهر بدورنا ونعارض هاد الحمى هادي،لي جايَّين بعض الناس لي فاقدين أيْ مستوى ديال الوعي السياسي و جايَّين باغْيين إثارة القلاقل و الشغب واللي غادي إسْتَغلّوها الفئات المبحورة والناس المجرمين باش أنهم إنتاهزو الفرصة بَأيْ إنفلات باشْ إهدْدُوا الأمن و المواطنين و السلامه ديال الممتلكات والأشخاص للي كاينين طبعاً0
وهاذا أمرْ لِّلي كانْ عارضوه و كانْهيوْ أعليه0 حوار؟ نعم، للي متضرر يلْجئ إلى السلطات؛ كايِنْ ديوان المضالم كايِنْ بزاف دْ لَحْوايج أراه ممكن أيْ واحد مارسْ أعليك أي حاجة أرا ممكن تكْتب شكاية للسّيد وكيل الملك وكذلك إتباعه قضائيا و قانونيا أياً كان ومن كان، و هاد الناس هادو للي جايّين قالّكْ غا يْحَلُّوا البرلمان داكْ البرلمان علا أنت فاش كنتِ كاتْشِدْ مئة درهم و تابعو' بلا دجاج بلا برقوق الشّهْبَه فالصندوق ' داكْ الساعة مَكنْتيشْ كتعرف البرلمان ؟؟ فاش كنتي كتبيع الصوت ديالك بمِتين درهم و فديك الحملة الإنتخابية غادي كاطلَقْ يدِّيك فَطُّوموبيل دالمرشح و غادي بالطْبَل و الزماره آه؟ دابا عاد بانْليكْ البرلمان ؟؟ على شْكون طَلّع هداك البرلمان ؟؟ ماشي أنتَ و لاخرْ و لاخرْ؟؟
و هادا أرا مكيحمل إلا الشماتة ديال الجزائر (اللي شعب عندو البترول و الغاز الطبيعي والثروات وللي الشعب ديالو فقييييييير) اللذي يحكمه الجينرالات و عندهم ثورات للي خاصها و بغيناها فيهم لأن حتى ِولى كانت وضعية متدهورة في المغرب خاصْكوم تعرفوا بأن السبب ديالها هي الجزائر و لولا الجزائر؛ وشنو كاتحيط الجزائر فالجنوب؛ مما يظطر الدولة تنفق واحَد الإنفاق و واحد الميزانيات ضخمة لكان عايشين بحال أبو ظبي و دبي لكان الكل بكاتكات إيسونس وداكشي ،ولكن لإن ذلك العدو المتربص للأقاليم و الحدود ديالنا هو المستفيد من هذا كله 0
وها نحن ننهي الرسالة ، وهاد الشي دفبراير ارى غير كلام خاوي، وهؤلاء الشباب اللي باغييين يتشهروا وللي دخل الفيسبوك و شاف داك خينا للي كاتب هاد شي هادا عندوا شي دريات توتات و مصورين بشي 000وحتى هو غادي امزطم على شي بزوله !! أطوآكد اسّي ،أطوآكد و حل عينيك مزيان راك غير مزطم!
الحوار تمثله هيئات و ناس للي كيعرفوا شنو هو القانون للي كيعرفوا شنو هي المتطلبات للي كيعرفوا حقوق الإنسان و للي كيعرفوا بزآف دلَحْوايج ،هما للي كيقوموا بشغل ديالهم، وتكون لديهم أجندة مسطرة و كاي شتاغلوا اعليها و كايكون عندهم نقاشات مع الوزارات أو مع المكلّفين ولكن للي جايين داكَشِّي ديال " تْبَعْ جِلاله لبنافخ '' ْبحالا خارجين من الدّربي ديال الوداد والراجاء وهرّسْ الطوموبيلات و الفيترينات و هاوهاو والغوغاء و الضوضاء َوما إلى ذلك، را هادشي كولشي تخربيق، ونحن سوف ننظم واحد المسيرة معارضة لهادشي ديال لُ 20 فيفريي ،غادي أنظموها كَرَد ، كاينين عاود جمعيات و و و00 ولكن للأسف الظرفية للي باغيين إستغلّوها بعض الجماعات المحظورة ،للي باغيين التدهور لْهاد البلد ولا يريدون التطور باغيين إستغلُّوا الفرصة ،
وبالتالي النصيحة ديالي للشباب ماتْزَطموش و ماتبعوا ''جِلاله لبنافخ '' ارا كاين ناس معندهم لا وعي سياسي مَعارْفين تّالوزير لفْلاني ولا شحالْ من وزارة عندنا ولا كيفاش الدستور ولا كيفاش الهيئات و كيفاش الأنظمة كتخدم ماعافش تّا شي حاجة ، وكايجي كايْقولك '' ألّا، يجبُ التغيير و كذا وكذا00 '' آشمن تغيير ؟؟ أعْرَفْ أبعْدا غا الواجبات ديالك قبل الحقوق ،واش انتا تلميذ كاتْهرّس الطاولة ؟؟ واش انتا طفل كاتْهرّس البولا فالشارع؟؟ واش انتا كبير كاتبوّل قالأزقة و فالشوارع؟؟واش انتا مزوج و كاترمي الخاوي دالبِّيرّة من الطوموبيل؟؟ واش انتا كبير و كَتاكل و كترمي زْبل فالشوارع ؟؟ وتجي تقولّي الحقوق؟!! ودير أبعدا غالواجبات واش انتا الصوت ديالك كاتبيعو فالإنتخابات ب200 دَرهم واتْجي دَوّخْني بالحقوق أه ؟؟!! وشنو عطيتي للبلد مين البلد خاصها تعطي ؟؟